أم مازن:"الدكاترة قالوا فاضلى شهور واتعمى..ونفسى أعمل عملية عشان أربى إبنى"

"نفسى أشوف من تانى ودة حلم حياتى، أنا بلبس نظارة كعب كوباية بس الله أعلم كمان كام شهر هلبسها ولا هلبس نظارة سوده" بهذه الكلمات بدأت "أم مازن" حديثها لـ "انفراد"، بعد معاناه لفترة طويلة مع تزايد ضعف النظر، بسبب مرض وراثى، شخصه الأطباء أن لديها "قرنية مخروطية"، وتحتاج لإجراء عملية زرع حلقات بالقرنية. وتقول صاحبة الـ 32 عاما من عمرها، لم أترك باب للعلاج إلا وطرقته من المستشفيات الحكومية وحتى الجمعيات الخيرية، لكن كان ردهم "ربنا يسهل"، وأطباء مستشفى خاص أبلغونى أننى أعانى من ضعف متزايد فى شبكية وقرنية العين، مما ينذر بالعمى خلال أشهر. وأضافت "لما سمعت كلام الدكاترة الدنيا اسودت فى وشى، مش عشانى لكن عشان أبنى البالع من العمر عامان، كيف سأربيه وأنا كفيفة، لكن لو عليا أنا من دلوقتى بحاول اتأقلم على ضلمة عشان هعيش فيها لو معملتش العملية." وتابعت مقاس نظرى حاليا (15-)، ولا أرى الأشياء كاملة حتى بارتداء النظارة، ولا أعرف ما سيجرى لى غداَ ومن سيربى إبنى الوحيد. وناشدت القارئة المقيمة فى الحى السادس بمدينة 6 أكتوبر بالقاهرة، وزارة الصحة وأهل الخير لتقديم يد العون فى إجراء العملية الجراحية لها، وتحقيق حلمها فى الإبصار مرة أخرى. للتواصل مع الحالة / ٠١٢٢٨٠٥٥٧١٧ - ٠١٢٨٩٠٤٨٧١٠