الإهمال فى المستشفيات
وصل لحد الممات
واللى بنصحى عليه فيه نبات
مأساة بكل المقاييس
الموت بقى فطيس
والإنسان بقى رخيص
وفيه دكتور يقول أنا مالى
سيبنى يا عم فى حالى
المهم العداد يعد
ونهرب ساعة الجد
المفروض المهنة أنسانية
بقت خلاص تجارية
معاك فلوس تتعالج بالسلامة
مش معاك تموت وعليك السلامة
وممكن تلاقى فوطة فى البطن
مشرط ممكن او كيس قطن
بقت مهزلة خلاص
يا رب الخلاص
منظومة كلها منهارة
دى خلاصة العبارة