ماشى أفضفض مع نفسى باخد وبدى فى أحوالنا
حاسس كأنى ماشى عكسى فى إيه يا ناس اللى جرالنا؟
فى ناس عايشة ومش عايشة الدنيا داقت فى عينيها
أحوالها ماشية ومش ماشية بتحلم تسد اللى عليها
وناس طايشة ومش حاسة القرش بيلعب فى إيديها
عيشتها تافهة ومش عارفة غير الشيطان اللى غاويها
شايف حاجات بتتغير والدنيا بتخنق حوالينا
الخير يا ناس بقى صغير والشر راكب ومالينا
الكل ماشى ومش شايف كأنه ماشى فى الضلمة
شيطاننا قوى ومش خايف، اتحكم خلاص فى أحوالنا
هد فينا أحلامنا خلا الأمل عاجز يعيش
عايشين الدنيا بألامنا دى من غير الحب متساويش
فى ناس قادرة وناس عاجزة بتتزلل للقمة عيش
وناس ماشية مع الزفة بتتحنجل عالبقشيش
ناس محبوسة فى الغربة حلم رجوعها مفارقهاش
وناس تعبت من الصحبة فى وقت الشدة مالقيتهاش
ليه يا دنيا بقيتى صعبة وبقينا صعب فيكى نعيش
لعبتى بينا وبقيىنا لعبة قسيتى خالص ومبترحميش