ابنى كبر وشنبه على
وشه اترسم......
وأنا لسه فاكر مولده
وصرخة أمه م الألم...
ونصايحى له مابتنتهيش....
أوعى فى يوم تشرب سجاير
والبس تقيل يا بنى ف يناير
صاحب اللى يخاف عليك
مش اللى معرفته خساير
يا حبيبى بزيادة سهر....
على العينين كتره خطر
خلى بالك من دروسك
الزمن مليان عبر.....
حاسس كلامى تقيل عليك
وأنه صابك بالضجر.....
غصب عنى بخاف عليك
م الدنيا من غدر البشر....
ونفسى يا حبيبى ألتقيك...
ناجح وإنسان معتبر.....
وبين البشر لما أتسأل.....
أقول ده ابنى وأفتخر