عصام دويدار يكتب : على درب الخال .. جواب رقم "4"

جوابات الأسطى حراجى .................................................. من فاطمة أحمد عبد الغفار الكائنة فى جبلاية الفار الى زوجنا الغالى الاسطى حراجى القط العامل فى السد العالي .................................. إيه يا حراجى مش ناوى تاجى هى القسوة وصلت عندك للدرجادى فاطمه مرتك ورده بتدبل نفسها قبل ما تدبل تِحْبَلْ وأنا مش هخجل ولا راح أسكت تانى يا حراجي انت بنيت السد لوحدك لا يحراجى انت بنيت السد فى قلبك كل الناس رجعوا على بيوتها وانت فايتنا وقاعد عندك فوق يا حراجى فوق من وهمك إياك فاكر راح يكتبوا سي السد بإسمك تعالى أولى بعرقك أرضك مال الدوله تصونه الدوله إياك فاكر إن السد بنيته مجامله عارفه كلام الحق بيوجع وإنت سنين غايب عنينا ومش ناوى ترجع قولى أشكى وجعى لمين علشان إنت رافض تسمع مهما قولت عليا قوية أنا برديك من جوه واليه ولسه صبيه محتاجه منيك حِنيه كنت هموت لما عييت وانت أديك مش حاضنه إديه سايقه عليك ياحراجى السد سايقه عليك طوب الارض ترجع لينا بكفايه بُعّدْ فى جوابى الجاى هبعت تصويره تصويره جميله عليها القيمه يمكن قلبك لينا يرق وترجع فاطمة تعيش فى سكينة .......................... زوجتك فاطمه ......................