بكل حسرة وندم أنا آسف
ضحك عليه الشيطان ولبسنى حزام ناسف
أنا اللى فجرت الكنيسة
بأوامر من الجماعة الخسيسة
أنا اللى حياة الناس كانت عندى غالية
من كلامهم صبحت رخيصة
كانوا بيقولولى يا بغدادى
الحور العين عليك بتنادى
ولاد الحرام خدوا عقلى ولبسونى الحزام
وقالولى اقتل أهلك وجيرانك
دى ناس عيشتها حرام فى حرام
دى الجنة اتخلقت علشانك
ورينا الهمة يا غلام
وأنا من غباوتى سمعت الكلام
قتلت أرواح بريئة كانت بتصلى فى سلام
ودلوقت بسأل نفسى بعت ليه وبكام ؟!!!
ولبست ليه الحزام؟!!!
وبعملتك السودة أساءت لدين الإسلام
أنت نسيت إن القتل حرام؟!!!
صدقونى أنا ندمان
وبقدم اعتذار لكل الأديان
ونفسى ارجع الدنيا من تانى
البس حزام ناسف وافجر نفسى فى ال ف نار جهنم رمانى
ببعتلكم رسالة ندم واعتذار
ببشركم فيها إن أهلكم ف الجنة
وأنا بتشوى فى وسط النار
أنا عارف إن عملتى السودة
مينفعش فيها اعتذار
لكن عاوز اقولكم نصيحة
خدوا بالكم من ولادكم
وابعدوهم عن الأشرار
دول شياطين فى صورة الملايكة الأبرار
لو قالولك أنت رايح الجنة
يبقى أكيد هتتشوى فى النار
غيبوا عقلى وسلبوا إرادتى وعدونى بالجنة
وأنا دلوقت بتشوى فى النار
بكل حسرة وندم بقدملكم اعتذار ..
إمضاء ممدوح بغدادى مفجر الكنيسة