أحمد الغرباوى يكتب :الحبّ ألا أسيب حبيبى يُعانى؟

لا يا حبيبى..

مين قال: الحُبّ أن أسيب حبيبى يُعانى..؟ دَا الموت أرحم..! بيصرخ وينهى عَذابى..

ولا يكون زىّ صمتك وَحشة فى ضلمة أنانى..! وغصب عنى الشوق يجرّ اللى فِ عشقى..

يعرّيه من قلبى..

وحتّة حتّة يغتصب لذّة حَنانى..! ،،،،،، لا يا حبيبى..

مين اللى قال: الحُبّ أن أسيب حبيبى يُعانى..؟ دَا الحرف اللى بيوجعه أرميه من كلمى ولا أجيله تانى..! وتجافيه شفايفى عمرى ما هوّا خانّى..! وخَدش حُمرة حبّك فِ حيائى..! و(النقطة) اللى عليه غدرت جَوى عينى أدوسها بِرجلى قبل ما تَسمعها وِدانى..! و(الجملة) اللى فِ فمى بتتقطّر فِ سَجدى دِمعة تكتبنى بعد صلاتى..! وفى بيتى إنتى حلم ربى..

لأوّل مرّة بشر يؤمّ ملاك ورائى..! ،،،،،،، لا يا حبيبى..

مين اللى قال: الحُبّ أن أسيب حبيبى يُعانى..؟ دا عُمر الحُبّ قٌصيـّر بهجر نوئده قبل ما يتولد برحم بُعادى..! ونقول مين هوّا الــ جَانى..! ،،،،،،، لا يا حبيبى..

دَا الحُبّ هوّا ألا أسيب.. أبدا ألا أسيب حبيبى يُعانى..! يُعانى..!