كان فى الصورة بدر منور
أجمل من كدا إنه شهيد
روحه قلبه حبه تصور
للأرض مع النيل بيزيد
متعود على كلمة حب
فى الأول بلده عشقاه
دعوة أمه ابنى يارب
السعد مع الخير يلقاه
مع صوت الكروان فى الفجر
الملك يا سبحان الله
ابتسم والأجمل أحلى
نزلت دمعاته على السطر
قال فى جوابه معانى كتير
حاجز تذكرتين فى القطر
يا شهيد صاحبى الدنيا حروب
دوقنى م الجنة التمر
لا خيانة إرهاب ولا غدر
صوت مولوتوف الدنيا بعيد
أحوالك ح تعيش بالستر
عيدنا ولبسنا جديد
من بعد الأوجاع نرتاح
هنا نهر الفردوس ح نطيب
وتسامح طب يالله سماح
ألحقلى من تانى حبيب
كان فى الصورة بدر منور
أجمل من كدا إنه شهيد
روحه قلبه حبه تصور
للأرض مع النيل بيزيد