محمد عمر يكتب: حِسبة تانية

لمّا جيت يومها أقولِّك تقبلى انك تبقِى ليّا ؟ عندى إيه أو إيه هجيبلِك هية دى كانت القضية كان معايا حاجات تهِمِّك كُنتى عاجبانى وبحبِّك كنت انا بردو اللى عاجبك واللى مالى عليكى قلبِك تعرفى إيه فيّا أثّر؟ إنى ما كنتش مِقصَّر كان معايا اللى يكفِّى بس كنتى عايزة أكتر كنت قادر ع البداية واللى كان لازم لزوم إيدى على إيدك معايا كنا هنطول النجوم لو فى واحد مش ف نِفسِك مهما كان يقدر يجيبلك تقبلى تديلًه نَفسِك...؟ حتى لو مش هوا حِلمك؟ أصل قلبك.. شكلُه لعبة واللى يدفع راح ينولها إنتى بتبيعى المحبة زى.. كلمة مش هقولها الزمن دا قالها حكمة : المشاعر مش مهمة باللى تقدر تشتريه تبقَى ليك قيمة ولازمة مش هلومِك فى اختيارِك دى حياتك.. ده قرارِك مش راح ارسم ليكى هدفِك أو هحدد لِك مسارِك ماتخافيش خالص عليّا لسه أحلامى ف إيديّا بكره ييجى اليوم وهلقى إللى تحسب حسبة تانية واحدة تانية هبقى ليها كل حاجة وروحها فيَّا حسبة تانية هبقى فيها أسوى كل الدنيا دية.