أنا بجرى ورا سراب
وحلم مدفون فى تراب
ولا أمل وراء ألف باب
تايه فى رحلة اغتراب
بين أحلام الشباب
وبين الخوف من الشعر شاب
أملى أخرج من السرداب
وألمح نور وسط الضباب
أمسك بأيدى السحاب
وأتحدى كل الصعاب
مش سعى ورا ألقاب
ودروع فى دولاب
ولا حفل تكريم وخطاب
أنا غرضى يا أحباب
أكتب بقلمى ألف كتاب
ويكون كلامى عين الصواب
و كلامى ينول الاعجاب
وأن تعبت وذقت العذاب
ولو حلمى لسه سراب
سأكتب حتى يجف قلمى ويطوى الكتاب