محمد زكريا حبيشى يكتب: الشاعر الفذ‎

مفتون صديقى العبقرى بالشاعر الفذ الهمام ويقولى شوف المدرسة شوف التمكن ف الكلام وإزاى بيختار مفرداته والتراكيب التمام وأن البحور متظبطة مرشوشة فوق سطح الحروف وبأدنى خوف القافية عارفة فين تكون وإزاى ما بين الفصحى والعامية يصنع الازدواج والاحتياج للفكر والرمزية عنده شيء فظيع تحتار معاه ف التورية وكلام ماهوش مفهوم ولكن فيه تضيع رديت على صاحبى الهمام الشعر مش بالتورية أو فن سريالى مثير الشعر مش محتاج لحد يفسره لو مس قلبى هفهمه وف حضرته هصبح أسير الشعر بحر من الشعور مش بحر شعرى والسلام الشعر مش مستفعلن أو فاعلن أو سفسطة دون انسجام الشعر مش دايما حرام الشعر لما ندركه تتجلي ليه الروح هيام وسط الضلام بينور الحرف الحياة والمنتهى لما يحاور كل دقة ف القلوب وندوب بإحساسنا معاه والكون يكون قطعة قماش مغزولة من ضلع النجوم ونعوم ف معنى السحر فيه وبنلبسه زى الهدوم والنفس تعشق حكمته جوه السطور والقلب من غيره بيصبخ قلب بور الشعر مش بالفتونة أو بالدراع الشعر نبضة حية بتهز القبور