أسامة أيمن أسعد يكتب: الود

طالبينه ليه مننا لما اصله مش عندكم دا الود اخد وعطا مش حكر من فضلكم الود شىء ممدود مش يوم وليلة وبس ولا عمره كان محدود دا شعور كبير يتحس الود يعنى براح تقبلنى بيه واقبل الود زى مفتاح يفتح قلوبنا اسهل الود مش حواديت او بس جوا البيت الود اجمل شىء اجمل من الاجمل يشمل قلوب الناس ويوفق المخاليق الود شئ مفتوح مش بين صديق وصديق متحجموش الود و تترجموه احسان الود مش بفلوس مش طالبة غير انسان اياك تمن ف يوم لو لسا باقى وداد بتود ناس جاحدين وبترضى رب عباد يا طالبين الود ودونا من فضلكم مش عيب يكون الود جايلنا من عندكم مدولنا حبل وداد او حتى طرف الخيط واحنا ببداية حب والله لنودكم ابدأ بنفسك كدا جرب تحب الناس خلى حياتك كدا الود فيها اساس م تقولش انا مشغول م تقولش مش معقول الحب مش محتاج غير قلب بيقدر بدقيقة بالتليفون ومد ايد العون او اى وصلة خير والله مش اكتر الود مش تمثيل الود دمعة ليل تنزل من الاحزان تنزل لاجل انسان وتحس كل الام الود حاجة تكون ف القلب و المضمون الود حاجة تصون البسمة ف الايام اخر كلام يتقال لو مهما ساء الحال خلى الوداد وياك الفرحة تبقى جبال الود طيبة قلب تحرم على الاندال ارجع واقول للناس الود زى الماس تعريفه يملا قاموس مش كلمه بين اقواس