بالصور.. شكوى من غياب الخدمات بمدينة الملك عبد الله للإسكان الاجتماعى بالسويس

أرسل القارئ مصطفى بدوى، أحد سكان مدينة الملك عبد الله بالسويس، المخصصة للإسكان الاجتماعى، شكوى من الصرف الصحى وعدم تغطية بالوعات الصرف بالشوارع، فضلا عن رشح المياه داخل وخارج الشقق. وقال القارئ لـ"انفراد": "مكملناش سنة تسليم وكل اللى استلم حوالى 1400 من أصل 3000، واللى سكن حوالى 800 أسرة وظهرت العيوب، ورحنا قدمنا شكوى فى مجلس الوزراء وزارة الإسكان محدش رد علينا بجانب أنه مفيش محلات تجارية ولا مركز طبى ولا أى مشروع خدمى نحن نعيش فى صحراء". وتابع المواطن فى شكواه: "من شهر فبراير اللى فات وإحنا بنجرى عليهم مفيش جديد غير بناء مدرسة ابتدائية لكن العيوب متواجدة وبتظهر أكتر كل ما يجى ساكن جديد، معظم الشقق بترشح على بعضها من الحمام وغرف المحابس العمومية بالشوارع بترشح تحت جدران العمارة والأسفلت بيهبط، وجاءت لجنة من الوزارة فى شهر مارس وأصدرت تعليمات للجهة المنفذة للمشروع اللى هى مديرية الإسكان والمرافق بالسويس محدش عمل حاجه يبقى الوضع كما هو". شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد" برقم 01280003799، أو عبر البريد الإلكترونى[email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.