قصة حياتى باختصار عاش فيها قلبى فى قلب نار
والجرح جوة كان كبير من يوم ما خاصمنى النهار
سافرت خطايا لمكان بعيد تعبت فيه تعب شديد
صبرت كتير صبر عنيد وعمرى فى يوم ما قلت اه
نجحت فيه نجاح كبير وادتنى الدنيا خير كتير
و فجأة لاقيتها بتستدير وبتخنقنى بخيط حرير
فبدأت أكتب عالسطور كلام يرجعنى الحياة
يبدللى ضلامى نور و يربطنى فى طوق نجاة
قصة حياتى باختصار نفسى تخلص بانتصار
نفسى يطلع النهار و الشمس تشرق من جديد
نفسى اسمى يعلى فوق و قيمته تعلى فى الحياة
ومرة واحدة بس أفوق و تصالحنى تانى الحياة