مينا جميل يكتب: أنا مين؟

عارفين أنا مين أنا واحد ماشى ف شوارعها عمرى ماكنت ف لحظة بايعها دايما لما تضيع أحلامى والدنيا تسود قدامى والحبر يجف ف أقلامى ريقى ينشف من كتر كلامى لكن هحلم يمكن حلمى يرجعها عارفين أنا مين مش بستنى تقولى تعالى وهروحلها لو على نقالة علشان نيلها ف دمى بيجرى وهواها اللى بيدخل صدرى وبشمسها بينور فجرى وف شوارعها أتنطط وأجرى أبعد عنها دى حاجة محالة عارفين أنا مين ممكن أكون دكتور أو قاضى أو ف خضارى ببيع وأنا راضى لو حتى بسمسر ف أراضى بس بحس بفرحتى بيها وبأولادها اللى بتحميها وعنيها السود بتحليها لون دمى ف علمك يفديها وأنى أموت علشانك عادى وأنى أموت علشانك عادى عارفين أنا مين أنا مش هرضى إنها تتقسم ماتقوليش ده مسيحى ده مسلم طاب كده روح وامشى ف شوارعها شوف طفل صغير يتبسم شوف ورد مفتح ومزهر وتاريخ فى كتبها بيتصور وقمرها البدر اللى منور وشبابها وعلماء بتطور لسه عليك علشان تتعلم عارفين أنا مين أنا جندى وحمايتها دى همى هى فقلبى وجوه فدمي سايب بيتى وناسى وأهلي بس أكيد علشان تستاهلي بسمعها ولما بتندهلي لازم أروحلها أصلها أمي عارفين انا مين أنا مصري وبلدى أفديها بدمي..