على كل الناس
ع الجار والدار
والفرحة بكام ...
بتساوى مشاعر مكبوتة
أحزان جوانا بتتكلم
بس بتنهيد..
والضحكة بتطلع ع النوتة
من قلب مهكع متلزق
ولكنه جديد
لحظات العشق ..بتعمل كام
على قد م توزن راح تاخد
على قد ماتحلم هيهاود
على قد قد م تسرح ..
راح تفرح
والبعد هيرجع ويعاود
لو يوم تجرح..
قلبك راح يغرق ف التجاعيد
والعمر بكام ...
العمر بجرح بفرح بكرب بضرب
وصب وشرب دموع وجراح
وآلام وأنين وعيون باكيين
والريق بيمرر ف القهوه..
وقلوب حافيه
تحتها 20 مليون سكين
وسنين خاينين مع غربه
بتقتل ف مشاعر أرواح عايشين
أما الأيام ...
واللحظة الحلوة مع الاحلام
والأمنيات كل الأوقات
والناس الغايبين عن روحنا
دول يعملوا كام
دول يعملوا عمر معدى وفات
وبيجرى قووام
وكأنك نايم ف الاحلام