مينا جميل يكتب: الأيام

..البداية ورد مفتح صوت بيفرح عايش بيكى وليكى ومنك قلبك كان بيخاف م البعد كنتى تقولى اوعدنى بوعد انى لايمكن ابعد عنك كله اتغير فجأة بقيت ف عنيكى صغير ..أيام فاتت لكنها بتترسم جوانا ف الوحدة فاتت وداست ع اللى فينا مرة واحدة والورد بيفتح لما بشوف ضحكتك بتكونى ليا الامل وبكون انا سكتك ساعة البكا حضنى هو اللى بيسكتك كان الفرح بستان كانت ايديكى تضمنى بقوة وحنان الفرح كان ف القلب من جوة دلوقتى بيعدى وكأنه مش هو ضعفى وانا جنبك بيتحول لقوة والليل بيرسم ف السكات تفاصيل والقرب كان منك شعر وغنى ومواويل والبعد ...حد بخيل والله بشوف الويل عايش ب 100 نوة .فراق ووداع .. عن الايد اللى بتسلم.. عن القلب اللى عمره ف يوم ماكان بياع ورعشه بتيجى ف السلامات ونبض القلب راجع تانى بعد مامات ودوخه وبحر دمع ببحرى ع الخدين ومش عارفين هنتقابل ف لحظة عشق من تانى ولا الايام هتدفن كل احلامنا .. وهنعيش الحياة ميتين .. ضياع ف ضياع فراق ووداع .. .كنا سووا .. والليل.. زمان يعنى كان ليل بحسه نهار كنت اما اسيب الناس كنت القى فيكى الدار برسم بتفاصيلك واهدم كتير اسوار كنت القى فيكى الحضن لما بكون ابنك كنت القى فيكى جنتى لما بكون ف النار كنتى القى فيكى نسيم بساتين من الازهار كنت القى فيكى الدلع كنت القى فيكى وقار الدمع منك كان بيغرق الاحضان من فرحتك بيا وعنيكى ف عنيا انا اللى عمرى م خفت ف البعد ببقى جبان ..ايام... معرفش ليه فاتت عايشه ولا ماتت وسايبه ليا حنين مش يوم لكنه سنين تلج ف ديسمبر ع الجروح سكاكين تفتكرى بعد اللى كان هحس ناس تانيين تفتكرى صوتك نفسك مع دمعتك ف العين صوت القلم باين على ورقه بهتانه مع شاى ف كبايه وايديا سرحانه وكلام وسلام ودموع معاندانه حزن وفرح عقل وسرح ...والقلب كان دفيان وايديا سقعانه تفاصيل غنى ومواويل ..فرحان ودقت الويل توهه وضياع لهفه وصراع والمستطاع. هى الدموع حبك شموع بس انطفت والليل سواد عشقك دموع زى المطر من غير معاد حضنك غطا بتغطى بيه جوه البعاد طعمك بيسرق روحى ليكي ذى دوسه ع الزناد صوتك بياخد منى احزاني وارجع ومن تاني الاقينى وحديا عتمه على عنيا شايف سوواد ف سواد ..واه من دمع بيبيت واه من قلب وحداني وبينادى على ميت واه من حزن ف مرايا واحلام تايهه جوايا وشمس بتطفى قمرايه كانى بعيش ف نهر جليد ومتدفى بشمعاية كانى بعيش ف نار قايدة مفيش للقلب ضلاية ايام مابتعديش كالعسكرى ف الجيش ببرد واكون ميت طعم الحنين سكاكين بتمنى اشوفك وعنيا مش عارفين ميت وانا عايش عايش بلون مين بضحك بصوت عالى والقلب جوة حزين ..انا قلبى مابينساش..طعم الدفا ومفيش حياة من بعد منك والسما نورها انطفي وطعم لون الورد راح حلمى اللى بين ايدى اختفي والقلب منقوع ف الدموع والتنهيدات تطفى الشموع وضاع خلاص امل الرجوع من بعد ما دقت الجفا ..كل اللى باقى حبة حروف متنتورة وكلام.مرجعنى ل ورا وعيون بتبكى ع اللى فات وبحور حنين متبعتره وسط السكات واهات بنارها مشعللة وحنين بيكوى القلب كوي والنبض مات والذكريات لساها فيا وبعيش حلاوة روح لكننى بتمنى الممات