د. فاطمة عبد الحميد تكتب : الروشتة السحرية للتعامل مع الطفل الحركى

فى البداية لابد من التفرقة بين الطفل الحركى كنمط شخصية وبين الطفل غير الحركى .. الطفل الحركى ؛ محب فك وتركيب ؛ محب أحضان ؛ يحب الحيوانات والأطفال الصغار،عطوف؛لا يجيد السرد ؛ عاشق لكرة القدم وميال للرياضة البدنية ؛ لا يهتم كثيرا بالأوامر الملفوظة.. الطفل ده كلما تحرك كلما زاد تركيزه بشرط انكم متزعقوش له.. بمعنى اديله قطعة صلصال او يويو او اقعده ع كرسى هزاز او اسيبه يتحرك حولى مزعقش واردد المعلومة.. ولا اطلب اعادتها فورا...هتلاقيه رائع أن شاء الله مع مراعاة أن الحل على المعلومات الجديدة لازم يكون صح وغلط ...واكمل...مش مقالات.....عشان المعلومة تثبت... يبقى الكلام ده عن مين عن الطفل الحركى اللى نمط شخصيته فيه الصفات اللى انا كتبتها فوق... والأجمل انك تضيفى وسائل عملية فى الشرح يبقى رائع يعنى مثلا تجارب علمية او كرة ارضية او خرائط...الخ... طيب الطفل ده انجازه هيتحسن كتير لو عملت معاه كده... ----------------------------- طيب الشق التانى من الموضوع الطفل اللى بيتحرك كتير ومش بيركز ومش حركى كنمط شخصية يعنى أيه؟؟ يعنى بيتحرك ويفرك ساعة المذاكرة بالذات لكن مركز امام التلفاز واللاب وكله ومش بيحب الرياضة ولا محب احضان ولا فيه المواصفات اللى فوق ده اسمه طفل متوتر مهما كان نمطه.. بمعنى هو متوتر بمحرد ما تيجى سيرة قعدة الواجب او المذاكرة ويبدا يتحرك ويفرك... ليه لأن المذاكرة بقت شىء ضاغط ع اعصابه.. بيؤدى لإفراز هرمونات القلق زى الادرينالين اللى بيدى الجسم طاقة عضلية.. يبدأ يتحرك ويتزهق... وده لو سمحتم محتاج 1 -الكف نهائيا عن الشخط فيه حتى لو مقصر وكفاية عصبية عليه 2 -منحه كلمات تشجيعية مش بإفراط عشان ميفتكرش انكم بتضحكوا عليه 3 - عدم التدقيق معه فى التفاصيل .. يعنى بلاش عيد دى وخطك وحش.. وكده 4 - عدم الإكثار من التهديد والوعيد.. مع محاولة ادخال مدرس متفاهم يفك عقدته ويشرح بأسلوب لبق.... 5 - مساعدته قدر الإمكان ف القيام بما عليه يبقى لو الطفل حركى هنحدد نمطه من الصفات اللى فوق ونسيبه يتحرك من غير زعيق لو مش حركى هنهدى ونتجاهل شوية عشان اعصابه تهدأ ملحوظة اللى ولادها كبروا ومش عارفة تسيطر.. ياربت تعملى له جلسة أو 2 مع متخصص نفسى يعمل له تحديد هدف وتوجيه ...ولا سيما المراهقين..