فيلم داير فى الحياه و ناس كتير بتمثل
فى اللى حظه يوم نداه و فى اللى حياته بتهزمه
ناس مرتاحة فى الحياه و عايشه عيشة طيبة
و ناس مخاصمة الحياه عايشة حياتها مغيبة
هان عليهم كل شئ و أختاروا السكة المتعبة
تاهو يا عينى فى الطريق و حياتهم صعبة مكركبة
ناس صحبتها بتهون و ناس كتير بتتلون
ناس معدنها بيبين وناس صورتها بتغيم
ناس تغلط تتجنن و ناس فى غلطها بتفنن
و ناس طبعها حنين بنزعل لما تستسلم
فيلم داير فى الحياه و كلنا بنمثله
فيه حب و كره و آه ومحدش قادر يبدله
تعبنا كتير أوى يا حياه و لسه الدور بنمثله
فين نلائى طوق نجاه و ضميرنا أمتى هنغسله
الله عليكى أوى يا حياه لو دورنا قدرنا نبدله
والصح مشينا خطوة معاه
وشيطاننا بأيدنا نرجمه