محمود على يكتب : شفايف

شفايف بتنده على القلب يسمع يقف لحظة صامت يفكر .. يشكك.. يدقق.. يحقق.. يصدق ويرجع يبوس الشفايف ويكتب قصيده يردد حروفها على الناس بحالها شفايف جميلة بتبعت سلامها وتكتب كلامها رسايل مزاح فتفرد باسيمها يشع الضياء يهفهف نسيمها فيفتح شنايش ف حيط المخاوف ………… شفايف بتسهر بتذكر ف ربك وحمدى وحمدك يودع شفايفك ويشكر ف خالقك ……. شفايف ذليلة بتخضع وتخشع تبوس الايادى وع الارض تركع تزوق حديتها توطى قامتها تدوس الكرامه تقلل قيمتها ……. شفايف اصيله بتوعد وتوفى تصون الأمانة لحد اما ترجع مابين الخلايق سيرتها بتلمع ………. شفايف قسيه ماتعرف تهادن ووارثة القساوة تدوس المشاعر تضلم حكاوى الجدود الاوائل وتفرد غيومها وتمحى التفاؤل ……. شفايف كريمة كرمها ده آيه ماتبخل بكلمة ماتبخل بضحكة طيبتها دى هيبة ومالها نهاية ……… شفايف بريئة جمالها ماليها طهارة عيونها دى أحلى مافيها بترسم لبكرة أمانى وأمانى وصوتها الممزك بيعزف أغانى