مينا جميل يكتب: مش أنا

مش أنا اللى هكون عبد لقلبك ولا أعيش مخدوع قال إيه جنبك ولكنى بعيد مش أنا اللى هسيبلك أحلامى ده أمل مقطوع قلبك سايبك وأنا قلبى عنيد مش أنا اللى هكون بيكى المجنون ولاهبكى يومين ولا راح أدايقك ولا هبقى وحيد مش أنا اللى هضيع وسط التوهة ولا وسط الموج هتشدينى أنا لسه بعيش والفرح هيجى يزورنى أكيد مش أنا المغلوب على أمرى هكون مش هلطم ع القلب اللى يخون مش هرضى أكون دايما متباع مش هشترى قلب يكون بياع مش هرسم حلم برمل البحر مش هعملك عمولات ولا سحر مش هتجنن ولا أعيش ف ضياع مش أنا اللى هطير لما تجينى ولا نبضك يبقى ف شرايينى ولا دمعك ينزل من عينى ولا لمسة إيدك تحيينى ولا منك عقلى هيبقى شريد مش أنا اللى قريب من قلبك دانا قلبى بعيييد مش أنا اللى بكلمة هكون ملكك وأرجع تانى مش راح أسيبلك ثانية تعيشى بين أحضانى م كفاية انا عشت سنين م العمر ف حرمانى مش أنا اللى هسلم لعنيكى وأغرق ف بحور من أحزانى مش أنا اللى فيوم أبدا أبدا هرجع تانى