"يلا نحشش فى الكلية".. طلبة يثيرون الجدل بتنظيم حفل مخدرات بطب قصر العينى

دعوة غريبة وصادمة أطلقها عدد من طلاب كلية طب قصر العينى بجامعة القاهرة، بتنظيم حفل لتعاطى المخدرات فى ساحة الكلية، من الواحدة ظهرا حتى الرابعة عصر غد الخميس، بدعوى الترفيه عن الطلاب، وهو ما كان سببا فى إثارة قدر واسع من الجدل والاستهجان على مواقع التواصل الاجتماعى المختلفة. "يلا نحشش فى الكلية" هو عنوان الحدث الذى ينظمه مجموعة من الطلاب، وأعلنوا عنه عبر موقع التواصل الاجتماعى "فيس بوك"، مؤكدين توفيرهم "الحشيش" وغيره من المواد المخدرة لمن يحضر الحفل. وكتب منظمو الحفل الغريب والصادم، شارحين هدفهم من إقامة الحفل: "كلنا اتضغطنا جامد الفترة اللى فاتت، اللى عنده إند راوند واللى عنده ميدتيرم وساته قديم وجديد، واللى دخل فى اكتئاب، واللى بيحب واحدة فاكساله، بس دلوقتى جه الوقت عشان نفصل كلنا ونريّح الدماغ ونقول باى باى للكآبة". وأضاف منظمو الحفل فى إعلانهم عن دعوتهم المثيرة للجدل عبر "فيس بوك": "علشان كده عملنا لكم مفاجأة، وقررنا إن إحنا نجيب حشيش كتير، ونـ"سموك" كلنا فى ساحة الكلية، هنجيب جوبّات تكفّى الناس كلها، وهنصطبح كلنا لحد ما ننسى همومنا ونشحن طاقتنا عشان نكمّل، ولسه فيه مفاجآت كتيرة، لسه هنقول لكم عليها،يلا منشن صاحبك اللى هتصطبح معاه وقول له أحلى مسا عليك يا صاحبى". دعوة بعض طلاب طب قصر العينى المثيرة للجدل الدعوة الغريبة أثارت قدرا واسعا من الجدل والاستهجان منذ انطلاقها، ولكن تعليقات الطلاب عبر "فيس بوك" تباينت بين التأييد والرفض والهجوم، فكتبتإسراء سيد: "المفروض إنكم دكاترة يعنى، لو انتوا فعلا دكاترة إزاى ربنا وفقكم ووصلتم للمكانة دى؟ وله فى حكمه شؤون". رد إحدى الطالبات على الجانب الآخر ،كتب مصطفى كامل الرمادى: "يا جماعة قولنا ميت مرة اسمه قرش كابوتشينو، كدة إدارة الكلية هتقطّع علينا"، وتابع محمد جمال جاد: "أنا آداب بس حابب أشارك، الكلام على إيه يا أبطال". جانب من ردود فعل الطلاب على الدعوة الغريبة تعليق ساخر على الموضوع