اكتب كأنك في 2063 "يا دين النبي ايه التنمية ده كلها"

"أكتب كومنت كأنك في عام 2063"، هكذا كتب مستخدمي صفحات التواصل الإجتماعي "الفيس بوك" تعليقا علي تصريح الرئيس السيسي الذي أكد خلاله أن مصر ستشهد تنمية شاملة في عام 2063.


وكتب البعض أن "الرئيس المخلوع مبارك يطمئن علي الرئيس السيسي بعد تدهور حالته الصحية"، وأكد اخر "ان معمار المرشدي عامل خصم علي الشقق الشقة ب35 مليار".


وأكد بعض الشباب أن افضل تعليق يكتب هو " أن الحكومة لم تتغير حتي في عام 2063، يادين النبى ايه التنمية دى كلها...الجنزورى رجع رئيس وزراء وعنده ١٦٠ سنة...والزند وزير العدل وعنده ١٢٠ سنة..وتوفيق عكاشة واحمد موسى لسة فى التليفزيون...وبقيت عشان تشترى فرخة من السوق بتجيب عربية نص نقل مليانة جنيهات...مبقاش فيه شباب فى البلد خالص وكله لسافر لفى السجن..ومعدل عمر الشاب ٩٠ سنة..ومرتضى منصور فى لقاء بيقول..بقى هى دى ديك ام مصر ياسيادة الريس".


تخيل أحد الشباب أنه أتي من عام 2063 حيث كتب "على فكرة يا جماعة أنا لسه راجع حالا من ٢٠٦٣ واحب اعرفكم ان في تنمية فعلاً في البلد، المفاعل النووي بس انفجر في العاصمة الجديدة واثيوبيا عملت سدين نهضة تاني سمتهم سد النهضة الجديد وسد النهضة الجديد قوي، جهاز الكفتة شغال زي الفل طالب منوفي طلع برة في استديوهات ديزني نفذه وبيعملوا بيه فيلم كوميدي ناين دي عن حياة ايدزاية شغالة في محل كفتة، محطة السادات مقفولة وده يمكن اللي اخرني شوية، بس الحمدلله حلينا مشكلة الدولار بعد ما وصل ل١٠٠ جنية، وعملنا عملة جديدة اسمها الجربوع المصري الواحد منه بدولار، والمرتبات نزلت كلها اللي بيقبض الف جنية بقي بيقبض ١٠ جرابيع، بس متقلقوش رواتب القضاة لسه زي ما هي كل الحكاية انهم بقوا جرابيع بس لكن زي ماهما"


وسخر أحد مستخدمي الفيس بوك في أحد التعليقات مؤكدا، "فاكر ياحج شادى وانت يا حج ميدو ايام زمان 2015 كان ايام كلها خير مش شبه الايام دى شباب غلبان مش عارف يجيب شقق مننين انا حجزت لابنى شقة فى حلايب وشلاتين بيقلوا مدن جديدة عملها الرئيس كنت هحجزله فى مديينة السيسيى 2 بس لقيتها كلها كومبلييت".