أحمد حمدى يكتب : جيش قوى وأرض طاهرة

أمريكا إسرائيل إيران تركيا قطر على أرض إثيوبية، حقيقى كل الدول العربية وقعت مفيش غير مصر، فين الجيوش العربية أو حتى الإفريقيه ! مفيش غير الجيش المصرى، جرب زمان الاحتلال مقدرش، جرب فتنة مسلم ومسيحى معرفش، إرهاب وتمويل لنشر الفوضى والخراب بردو موقعتش، الناس دى عارفة حجم مصر أوى وجيشها وشعبها احنا غير أى دولة تانية مش هنقع، بس فيه حاجة محدش فيهم عمل حسابها هى إن وقت الشدة لا بيبقى فيه مؤيد ولا معارض ولا مسلم ولا مسيحى بيبقى فيه مصرى وبس، سد النهضة، إرهاب، انفجار، تمويل لنشر الخراب مصر هتفضل مصر وهنفضل شوكة فى ضهرهم ومهما حصل جيشنا عمره ما هيقع ولا هنكون دولة محتلة، شعب واعى ووقت الشدة رجالة، جيش قوى وأرض طاهرة مذكورة فى القرآن لا يمكن نقع، نهاية أسطورة أى دولة فكرت فى خراب البلد دى كانت فى مصر، العين دايما بتبقى على الكبير. تحيا مصر ولآخر نفس هتفضل مصر