أرسلت القارئة، ولاء دسوق أبوجبل، قصيدتين تعبر عن رفضها لتصريحات تيمور السبكى ، أدمن صفحة "يوميات زوج مطحون"، كان قد أدلى بها خلال ظهوره فى أحد البرامج التلفزيونية، والتى لاقت هجوما واسعا بسبب التصريحات المسيئة عن السيدات ورجال الصعيد أيضا، وقالت القارئة فى قصيدتها:
واللى يقولوا علينا نسوان
إحنا ب100 مليون راجل
ولا عمرنا نقبل نتهان
ده كلامنا بمليون قاتل
واللى يقولوا ده بابى ومامى
والهرتلة بكلام ماسخ
أصل الكلمة عند عمامى
وخوالى طبعا راسخ
إحنا صعايدة وطبعنا حامى
ولا يهمنا فاسد جانى
واللى يعدى الخط الأحمر
يبقى فى نارنا جتته رامى
واللى يقرب يوم لصعيد
واللى بيطلب شهرة وصيت
واللى علامه ماعلمهوش
عند حريمنا النار بتذيد
أنا صعيدية وأصلى صعيدى
والرجالة بتفخر بينا
طول عمرنا بنعلى ونبنى
وباسمنا العلو حادينا
إيه اللى نابك م التفكير
يكونشى مستنية رضاه
صعبان عليكى الحب يطير
وف كل حلم عنيكى شيفاه
لساكى بتعاتبى الصورة
وعنيكى ليه مدمعه
جواكى حاجة مكسورة
وليه للحزن مجمعة
صوتك ياحزينة بيداوي
قلب الجريح بسكوته
ماهو صوتك وسكوتك بيساوى
مركبين بيعدوا بحوره
ايه اللى نابك غير حرقة
وكسره قلب ع الفاضى
قلبك عايزله100سنجة
وربك عنك مش راضى
ارضى بنصيبك ياصبية
تتولى بقا رضا الرحمن
ماتخديش كلامى بعصبية
ربك معاكى ف كل مكان
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب انفراد " برقم 01280003799، أو عبر البريد الإلكترونى
[email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
