سيد منير عطية يكتب: ياااه يا قلبى

شوفت ضحكة ف إيدها ضحكة إبتديت افرح بعيني وابتديت أرقص بقلبي قولت بعد سنين عذابي السعادة ح تيجى جنبي وابتديت احلم وافسّر وامشى بالأحلام بعيد لما تيجى ازاى ح اخدها جوّة حضنى من جديد وابتديت فعلا أغنّي وانسجم بالصوت واعيد فجأه شوفت الضحكة ماشية سكّه تانية بعد ما اتمدّت إيديّا هى شاورت من بعيد ! ياااه ياقلبي ياللى مكتوبلك تمللي تشرب الحزن الزيادة ياللى أدمنت المواجع لمّا صبح الحزن عادة حتى لو فاتت سعادة تبقى محروم من سلامها أو كلامها وانت يا المربوط عشانها لك يادوب نظرة عينين السعادة بتيجى عندك تنقسم على سكّتين وانت واخد سكّه تالتة قبل منها بخطوتين يااه ياقلبي ياللى تاية بين بينين لسه مكتوب ع الجبين تزرع الورد الطبيعي تقطف الأشواك بإيدك لسّه مكتوبلك حدادك يبقى حتى ف وقت عيدك لسّه طعم المُر حنضل حتى جوّه سطور نشيدك لف بين دهاليز وريدك شوف ح تلمح مين هناك وان لقيتها ... شدّها برّاك بسرعة بعدها حتما ح تفرح