مينا جميل يكتب: يا ريتنى ما عرفتك

يا ريتنى ما عرفتك ولا كنت يوم شفتك لا كنت حبيتك ولا قلبى كان بيتك ومن عيون الناس جوايا خبيتك الذنب كان ذنبى إنى فتحت الباب ومشيت معاكى طريق الحب والأحباب كانت إيدى فإديكى ولقيتنى ويا سراب لكن بقيت عايش ميت حياتى خراب الدمع ف عنيا وقلبى مش فيا أيام معدية عايش نهارها ضباب وليالى مسودة ماتتحكيش ف كتاب ولو تقولى نسيت قلبك يكون كداب الآه ف قلبى جبل والذكريات سرداب محبوس أنا جواه مكتوب على بابه عاشق ذليل للألم سكين ف قلبه الآه والدمع جارح خدودى وكأنى طير تايه الأرض نار تحتيه ولا ليه مكان ف سماه والصوت مهوش طالع أنفاس مفيش جواه وف كل تنهيده أحزان بتستناه ده الجرح من قلبك نازف بمليون آه ياحسره ع الأيام ووعود ماتمتشى وف كل ثانيه كلام منه ينام رمشى وأتوه من الدوبان وبالسرير أمشى وأطير ف أعلى سما وقلوبنا تتلاقى وتاخدنى ألوانك والموڤ يغرقنى وأتوه أنا وياه ولفين أنا رايح وياكى معرفشى والشمس سخنانة نفسك ينسملى والضحكة بحر ورود بغصونها ترسملى والرعشة تبقى فإيد والتانية فوق شعرك وبصوت كمنجة وناى برقص على صوتك ونجوم سما بحالها تيجى تسلملى والكون يغنيلك وكواكبه تركعلك عايش على أملى من تانى أرجعلك ده الوش متعلم م الدمع نار كاوياه والقلب 100 بركان عشقانى م الأول ولا ع الجراح ناويه والبعد والحرمان ضيعتى أحلامى والقلب دمعلك نفسى مهوش داخل الريق بيجرحنى والوش بحر هموم والذكرى تدبحنى تايه شمال ويمين دنيا تلوحنى والله هو الموت وحده يريحنى مكنتش أتردد لو ربى يسامحنى عايش منيش عايش أحلام تضيع منى بعد أما عشناها للتوهة وأخدينى ومرار سنين دايقه والعمر قطر بدون قضبان وعميت وأنا سايقة والعقل جوايا فاكر ومش ناسى عشرين جبل مليان والقلب بيقاسى دا حتى إحساسى ما بقيت ف يوم طايقه بعدك هاعيش إزاى دا أنتى اللى مالكانى بالملك ساكنانى وبنيتى جوة ف قلبى ليكى دورين تانى ومحيتى كل أنين فرحتى أحزاني وتقولى مش عايزاك ولا حتى كنت أهواك قولى كده تانى الكلمة مش منك لكن على لسانك ف القلب كاويانى دارى الحنين دارى يا ساقية أنهاري واتخبى منى كتير وزودى نارى يا صورة مطبوعة ع القلب بالالوان يا صوت موسيقى فرح بتخفف الأحزان يا وردة بالأحمر بتغطى ع الألوان يا شمش بتنور وتدفى كل مكان يا إيد ف لمستها بغرق ف بحر حنان يا صوت سكون الليل يا طير على الأغصان يا عيون بلون الماس وتاج يغطى الرأس عالم من الإحساس ملكة ف كل أوان وف قصرها محبوس وليها بتوسل وكفوف إيديها ببوس عاشق منيش مهووس والحلم كان خيال طاير على حصانه دلوقتى بين أربع حيطان محبوس