منال مكرم تكتب: حلم جالى

لو سألوك على فى يوم قول كانت هنا كانت من بعيد جنة حلم جالى فالمنام قمت أدور عليه بين بنات حوا طيف بألوان قوس قزح فى من كل حاجة حلوة حتة قول اللى كنت بتقوله زمان قبل ما يكون اللى كان كل واحد خد طريق سحره الهوا كل واحد حب نفسه حب الحتة الى تخصه ضيق براح التانى وخنقه عاوز يحطه جوه برواز هو عمله بعد ما ملكه ابتدت تروح لمعته وغاب انبهار المحبة فضلت انانية طفولة ايد مفتوحة عاوزه تاخد حضن اتقفل على نفسه جامد رفض التفاهم خنقت اشواكنا الى كنا بنغنيله زمان هرب الدفا والود اختفى لمعة العين الى عارفاها تاهت فى طرقنا القديمة باقى كام جواب وكلمتين مخنوقين وكام رسالة ممسوحين ومنديل عليه دمعتين وبواقى كحل حدد بخطه الاسود لون دموعى فى يوم غلبنى فيه كبريائى اديت ضهرى لكل الى مدنيش اعتبارى عندت وهو العند ايه يجيب غير كفر كفرت تعبت من زراعة أرض بور تاخد تعب وتوعدك بخير متشفوش