"توصيلة" جروب جديد لتسهيل التنقل مع أشخاص فى نفس طريقك يجذب 3000 عضو

أزمة المواصلات فى بعض المناطق والأحياء البعيدة، ضافة إلى الزيادة الأخيرة فى أسعار البنزين، دفعت مجموعة من الشباب إلى تكوين مجموعة على موقع التواصل الإجتماعى "فيس بوك" أطلقوا عليها "توصيلة"، لمساعدة بعضهم فى تحركاتم. وتحت عنوان :" "فى ناس كتير معاها عربيات بتزهق من كتر ما بيعملوا مشاورهم لوحدهم ، وفي ناس اكتر مش معاها عربيات وبيطلع عنيها فالمواصلات "، بدأ جروب "توصيلة" بمجموعة من الأصدقاء وأمتدت لأكثر من 3 ألاف مشترك بالجروب ويقوم أصحاب السيارات بكتابة المكان المتوجهين إليها والأماكن المتوافرة معه داخل السيارة على الجروب ليتواصل معه الأعضاء الراغبون في التوجه لنفس المكان. ويقول "محمد قشطة" ذو الـ30 عاما، أحد أدمنز الجروب لـ"انفراد" :"الفكرة بدون مقابل لأن اللي نازل بعربيته هو كدة كدة رايح نفس المشوار، ممكن يتقاسموا فلوس البنزين لو بيركبوا مع بعض كل يوم". وعن وسيلة الأمان خاصة بالنسبة للفتيات، يقول قشطة :"البنات كانت قلقانة الأول لكن مفيش بوست بيتقبل الا لما بنعرف الشخص ونعرف هنوصله ازاي.. و لو بنت هتركب مع ولد بناخد رقمه ورقمها ونتابع التحرك من أول ما يتحركوا لغاية ما يوصلوا"، قائلا :" احنا كل يوم بنركب مع تاكسي متعرفوش بالعكس هنا فى ميزة ان كل الناس عرفنها". أما خطواته المقبلة، يقول أنه يفكر بإصدار أرقام عضوية لأكثر الأشخاص المتفاعلة على الجروب والذين أصبحوا محل ثقة كبيرة حتى يمكن التعامل معهم بشكل أبسط فيما بعد، والخطوة الثانية ستكون بعمل تطبيق يحمل نفس الاسم لإستفادة عدد أكبر، ولكن سيكون برقم البطاقة وصورة الرخصة لكى يكون أكثر أمنا.