إياكو تبصو فى حياة حد، يمكن أنت شايف إن ربنا مديه حاجة معينة بس مش عارف ده وراه مسؤليات إيه ولا ربنا حارمه من إيه، محدش بياخد كل النعم كامله والله ، احمد ربنا على اللى أنت فيه علشان يزيدك ومتبصش فى حياة حد أبدا هتعيش مرتاح .
وخليكو عارفين إن كل شخص واخد حقه فى الدنيا دى بشكل عادل، فيه اللى واخده مال، وفيه اللى واخده بنون، وفيه اللى واخده صحة، وفيه اللى واخده (أم) لسه صوتها مبارك البيت، وفيه اللى واخده (أب) سند ليه فى عز محنته، وفيه اللى واخده (ابن بار)، و فى اللى واخده (زوج حنين)، وفى اللى واخده (سعادة وقناعه وراحة بال).
احمدوا ربنا على اللى انتو فيه يزيدكم نعمه ، ربنا مبينساش حد ابدا و له حكمة فى كل حاجة بتحصلنا و خلو عندكو يقين انها بتكون خير لينا مهما كان ، والحمد لله على كل حال دائما وابدا.