شاهد الحلقة التاسعة والستين من برنامج "جايلك فى الكلام"

خصص برنامج "جايلك فى الكلام" حلقته التاسعة والستين للحديث عن برامج المواهب وتطورها، وكيفية إنجاحها من خلال العمل الجماعى. وبدأت العلامية إسعاد يونس مقدمة البرنامج الحلقة بمقدمة قوية جاء فيها: "بتشوفوا برامج اكتشاف المواهب؟ حلو.. لأ حلوة والنبى.. كنت قاعدة بتفرج على واحد كدة من الفيديوهات دى اللى متاخدة من برنامج منهم، النسخة الأمريكانى بأه وحاجة آخر حلاوة الحقيقة، طلع عالمسرح نفر ؟ إتنين ؟ تلاتة ؟ عشرة ؟ لأ أكتر من 70 نفر!! إستنوا ده انا لسه جايلكوا فى الكلام !! ال 70 دول كانوا فوق عالمسرح، كان فى قدهم يجى مرتين تلاتة واقفين تحت المسرح ماساعهمش !! _ الناس وقفوا واترصوا وعزفت المزيكا وغنوا سوا ولا كأنهم نفر واحد ، حاجة كده من أبدع ما يكون، لدرجة إن الزميلة (بيونسيه) عنيها دمعت من فرط التأثر من العمل الجماعى، العمل الجماعى وروح الفريق والتكامل بين أعضاء المجموعة بهدف تحقيق أهدافهم، هو مفتاح اللغز وحل الفزورة فى معضلة النجاح، المفتاح اللى مش محتاج تعب كبير علشان نوصله، المفتاح اللى لو مسكناه هنفتح أتخن واصعب باب قصادنا". يذكر أن البرنامج تقدمه الإعلامية إسعاد يونس على " نغم اف إم" بالتعاون مع مصر الخير.