خصص برنامج "جايلك فى الكلام" حلقته الـ72 للحديث عن المشاكل التى يعانى منها المواليد الجدد فى مصر، حيث قالت الإعلامية إسعاد يونس:" لو عرفنا كمان إن واحد من كل عشر أطفال في بلدنا بيتولدوا وهما بيعانوا من مشاكل بسيطة في الوجه والفكين، زي الأذن الوطواطية والوحمات الدموية وغيرها .
وتابعت :"طفل من كل 60 طفل بيتولدوا في مصر بيعانوا من مشاكل كبيرة زي الشفة الأرنبية وشق سقف الحلق وعدم تماثل شقي الجمجمة وغيرها كتير".
وأضافت:"لكل الأطفال والحالات اللي فعلا كتير لو حسبناها كده ، اتوجد في مستشفى جامعة سوهاج (وحدة علاج تشوهات الوجه والفكين للأطفال.. الوحدة شغالة من 2009 للنهاردة وبتعالج حوالى 80 مريضا أسبوعيا بيتم إجراء جراحات ليهم بمعدلات 6 لـ8 جراحات أسبوعيا .
وتابعت:"حاجة كده زى خلية نحل من أطباء وهيئة تمريض وأساتذة جامعة مابيهدوش تقريبا، المشكلة الحقيقية إن الحالات كتير جدا وأكبر من طاقة الوحدة.. بالتعاون مع مصر الخير هيتم إنشاء أول مستشفى في مصر وإفريقيا التانية من نوعها فى الشرق الأوسط لعلاج حالات تشوه الوجه والفكين للأطفال.