خصصت الإعلامية إسعاد يونس الحلقة 109 من برنامج "جايالك فى الكلام" عن التمويل الجماعة.
وقالت إسعاد يونس فى البرنامج: "دلوقتي، العالم كله يعرف حاجة اسمها كراود فاندينج، الكراود فاندينج دا نقدر نترجمه "التمويل الجماعي"، اللي هو بـ اختصار ربط بين المستثمرين وأصحاب الأعمال خصوصا الأعمال الصغيرة، يعني يبقى فيه حد عنده فكرة لـ مشروع صغير، بس ما يقدرش على تمويله، فـ يروح لـ منصة من منصات الكراود فاندينج، يدور على تمويل".
وأضافت إسعاد سونس: "كويس.. هنا بقى مؤسسة مصر الخير بتستفيد من النظام دا، فى إنها تختار مشروعات عايزة تمويل، والمشروعات دي تكون ذات طابع تنموي، يعني المشروع يكون بـ يساهم في تنمية قطاع معين، أو بـ ينشط منطقة معينة، قرية أو مجموعة قرى، وتشترك في تمويل المشروع بـ نظام الكراود فاندينج.. هنا الفايدة بـ تبقى مزدوجة، لـ إنها بـ تكون وفرت تمويل لـ مشروع هيعمل تنمية، ويوفر فرص عمل، ويطلع منتج يفيد بشكل غير مباشر في تغطية كتير من المجالات اللي بتهتم المؤسسة بتوفير تمويل ليها، لكن من ناحية تانية وبصورة مباشرة، بتحقق عائدات تستغلها فى الإنفاق على المشروعات اللي بتتبناها".