خصصت الإعلامية إسعاد يونس الحلقة 111 من برنامج "جايالك فى الكلام" عن الشتاء وخريطة التبرع للمحتاجين.
وقالت إسعاد يونس فى البرنامج: سواء عن طريق الموقع الإلكتروني اللي أطلقته مؤسسة مصر الخير المخصص لحملة الشتا والتبرعات، أو عن طريق أبلكيشن التليفون، هتقدر تشوف علامات خضرا وعلامات حمرا على الخريطة، العلامات الخضرا لـ البيوت اللي اتسقفت فعلا، والعلامات الحمرا للبيوت اللي محتاجة تسقيف.
وأضافت إسعاد يونس: "كمان الموقع والأبلكيشن هيرفع صور فوتوغرافية حديثة واضحة للبيوت المحتاجة تسقيف.. المتبرع هيقدر يتابع العلامات الحمرا وهي بتخضر، وهيقدر يختار بيت معين يتابعه، ويشوفه قدامه بعينيه وهو بيتحول من بيت أربع حيطان في الطل، لبيت أصبح له سقف، وأصبح أهله قادرين إنهم يعيشوا تحت السقف دا فى الشتا، ويقدروا يتحملوا الفصل الصعب".