قال الإعلامى عمرو أديب، تعليقاً على تغريدة خليفة بن حمد، شقيق أمير قطر، والتى قال فيها"لكل الأصوات الحاقدة.. مونديال العرب فى دوحة العرب..الوعد 2022"، :"دفعتوا رشوة ولا لا، دا كان السؤال، شرف ايه اللى انت بتتكلم عليه، دا كله بالفلوس، انتو فيه حاجة خدتوها بشرف".
وأشار أديب، خلال تقديمه برنامج "الحكاية"، على فضائية "MBC مصر"، إلى أنه يطلب رد بجملة "لم ندفع رشاوى"، مضيفاً:"3 كلمات زى اللى أنا عاوزهم من حمد بن جاسم، يقول لم أخذ رشوة من باركليز".
وأضاف أديب، :"السيد شقيق أمير قطر لو سمحت جملة كمان من ذوقك يعنى، أو شوف حد من اللى بيكتبولك يكتب، إن احنا مدفعناش رشوة للفيفا".