قال الفنان خالد سليم:"غنيت أغنية مسلسل أرابيسك فى الجامعة وكنت كل ما أغنى فى أى حفلة فى الجامعة أصحابى كانوا بيطلبوا منى إنى أغنى أغنية أرابيسك، لدرجة إنهم كانوا بيسمونى خالد أرابيسك".
وتابع خالد سليم، خلال حوارة فى برنامج شريط كوكتيل الذى يقدمه الفنان هشام عباس المذاع على قناة الحياة: "عيشت مع ألحان الفنان عمار الشريعى لأنها ألحان مميزة ومختلفة، وممكن تعرفها وتفرقها عن أى مزيكا تانية، وعملنا مع بعض الليلة المحمدية عامى 2006 و2007، وكنت متابعه فى برنامج غواص فى بحر النغم، ومن مواقفه الطريفة معايا كنت بغنى قدامه فى الليلة المحمدية، وقلتله أنا مش مصدق إنى واقف أدام حضرتك فقالى خلاص يا حبيبى أقف ورايا".