عمرو أديب: "الناس نزلت الشارع يشموا النسيم.. امتى القانون هيعاقب الناس دى؟"

عمرو أديب: "الناس نزلت الشارع يشموا النسيم.. امتى القانون هيعاقب الناس دى؟" علق الإعلامي عمرو أديب على قرارات مجلس الوزراء لمنع الناس من التكدس في الشواطئ والحدائق العامة ومنع المواصلات العامة من السير طوال فترات اليوم، وقال: "أنا بقول لحضراتكم أنا مش عاوز حظر تحول كامل خالص، ولا ضد أن الناس اللي بتروح شغلها عشان تاكل عيش، وكل دول أنا خدامهم، وللأسف ابتدى يبقى في موجة أن عمرو أديب مش عاوزنا ننبسط، وأنا بقولكم اللي بيشيل إربة مخرومة بتخر عليه" وأضاف عمرو أديب خلال برنامج "الحكاية" الذي يذاع على قناة mbc مصر: "أغلب الإصابات اللي حصلت في أمريكا وإيطاليا بدأت من شخص واحد، وتحذيرات الدولة المصرية تتعامل مع المواطنين بالتفاهم، وأن بقولكم أن من انهاردة وإمبارح، المصريين في الشارع بيتفسحوا ويشموا النسيم، أنا مش فاهم الشباب اللي بتتجمع قصاد المطاعم ومحلات الأكل وانهاردة وإحنا بنصور الناس اتخانقت معانا، أنا عاوز أفهم إمتى القانون المصرى هيجبر الناس أنها تلتزم". وقال عمرو أديب: "الناس اللي بتنزل الشارع دول لاقوا بديل للكافيهات والقهاوي، بيشتروا الأكل والشرب ويقفوا عند العربيات بتاعتهم وكأنهم قاعدين عالقهوة، أنتو مكنتوش بتعملوا كدة قبل كدة، هل ده عند؟، التجمعات دي جديدة، أقسم بالله أن هذه المشاهد في أي بلد في العالم هيقفوا يبصوا ويضربروا كف علي كف".