عمرو أديب وفريق عمل برنامج "الحكاية" ينعون شهداء الوطن

نعى الإعلامي عمرو أديب، وفريق عمل برنامج "الحكاية" شهداء الوطن الذين راحوا ضحية الإرهاب في منطقة بئر العبد في سيناء، بعد استهدافهم بعبوة ناسفة، وعلق عمرو أديب على الحادث قائلا: "مش عارف الناس دي عاوزة إيه بالظبط، أنتوا فاكرينا بنخلص؟، لو فاكرين أننا بنخلص فأحب أقولكوا أنسوا احنا مش بنخلص ومكلمين في طريقنا لحد ما نقضي عليكو". وأضاف عمرو أديب خلال برنامج الحكاية الذي يذاع على قناة mbc مصر: "العالم كله مفيهوش إرهاب والناس كلها عاملة حساب فيروس كورونا اللي منتشر في كل مكان في العالم، مفيش غيرنا احنا هنا اللي بيحصل كدة عندنا، وأنا عارف هما بيعملوا كدة ليه، لأنها ضاقت عليهم ومبقاش في حتى إرهابيين يستقطبوهم علشان ينفذوا عملياتهم القذرة دي، أنتوا خلاص جبتوا أخركو". ومن ناحية أخرى، علق عمرو أديب، على أعداد إصابات فيروس كورونا في مصر الارتفاع الملحوظ في نسب الإصابات، وقال: "أنا الأسبوع اللي فات قولتلكو أن الأسبوع اللي جاي الأرقام هتعدي الـ 300، ورئيس الوزراء حظر الناس في خطاباته الأخيرة، والقفزة دي تخلي الناس تسأل إيه اللي حصل بالظبط الفترة اللي فاتت".