ناقش الإعلامى وائل الإبراشى عبر برنامجه التاسعة المذاع على قناة الأولى المصرية، عودة الأفراح بضوابط وإجراءات احترازية فى فترة وباء فيروس كورونا.
وقالت النائب هالة أبو السعد عضو مجلس النواب: "مش ممكن سيدة لابسة سوارية ترتدى الكمامة وتقعد بيها طول الفرح.. وتخفى الماكياج.. والراجل لابس بدلة وكرافتة ويلبس الكمامة مش هيحصل نهائى.. ولا يمكن يكون هناك كنترول فى التجمعات وبنعرض أهلينا أكتر للخطر.. وعلى الأقل ننتظر الفترة اللى جاية".
وأضاف اللواء مجدى بسيونى مساعد وزير الداخلية الأسبق: "مش هينفع نحدد أرقام للى هيروح الأفراح.. إحنا مش هنلتزم بارتداء الكمامة والتباعد الاجتماعى، ومازالت الدولة توجه بارتداء الكمامة والتباعد الاجتماعى، ومع خطر كورونا أفراح إيه.. يعنى الست تروح فرح لابسة كمامة ولم تيجى تزغرد تشيل الكمامة.. صحة الناس أهم".
وعلق اللواء أشرف أمين مساعد وزير الخارجية الأسبق قائلا: "لابد من وضع قواعد لعودة الحياة.. والنهاردة الحظر اتلغى فى المطارات.. وعاوزين ندرس هذه الأمور.. وكل يوم الأفراح متواجدة فى الشوارع.. ولابد من وضع ضوابط عشان ترجع مرة أخرى".