وجهت الإعلامية رضوى الشربيني، نصائح لكل فتاة تجاوزت سن الثلاثين من عمرها خلال برنامجها "هي وبس"، الذي يعرض على شاشة "CBC سفره"، قائلة: "أول حاجة في ستين داهية اللي يزعلك، ولازم تقولي كده، وأنت مقتنعة بيها، تقوليها وأنت واخدة نفس عميق، أيا كانت الأسباب، كل حاجة بتاخد وقتها وطالما راضية ضميرك وعاملة اللي عليكي افتكري إن عمرك وطاقتك أمانة معاكي، وإهدارهم على من لا يستحق أمر لا يستهان به، في نهاية كل مطب، كل واحد بيرى بعين طبعه".
وأضافت : "طالما عديتي الثلاثين معدل الحرق عندك اتغير، اتحركي روحي جيم، واتمشي، أعملي أي حاجة هتفرق معاكي نفسيا، اقري رواية أو اتفرجي على فيلم، تطلعي منه معاني حلوة، الصاحب ساحب، بلاش تصاحبي الناس النمامة والشكاية اللي تحرق الدم، صاحبي وشوش جديدة تحب الحياة تقول الحمد لله دون تهويل"
وتابعت: ابعدي عن كل اللي دورهم في الحياة الانتقاد والنصيحة، بنية أننا عارفين مصلحتك أكتر منك، قربي من ربنا بأي صورة وثبتيها مهما حصل، تأملي النعم اللي ربنا أنعم عليكي بيها عشان مش تحسي بالمفقود، وتحسي فقط باللي موجود، والجي لربنا في كل مشاكلك وبلاش تحكي مع الناس عشان الناس تبقى عندها فضول لتكشف اسرار لتعاير بعد كده، اللي يحل لك مشكلتك هو ربك وافتكري أسماء الله الحسنى".