احتفل الإعلامي شريف مدكور بعيد ميلاده الـ 48، مؤخرا، حيث شارك جمهوره ومتابعيه عبر حسابه الرسمي على موقع التواصل الاجتماعي إنستجرام، صورة له وهو يمسك "تورتة" عيد الميلاد، معلقا :"عيد ميلادي الـ48".
من ناحية أخرى، أكد الإعلامي شريف مدكور، أنه لابد على الرجل أن يتعامل بشكل ودى مع زوجته باعتبارها شريكة حياته في الفرح والحزن، وقال: "المفروض والطبيعي أن الراجل يدلع مراته، أنا داعم للمرأة وللزوجة المصرية بشكل مش طبيعي، والرجالة في مصر مش بتدلع ستاتهم، وهما ساعات لما يلاقوا الراجل تبتدي تصده، لا سيبيه يدلعك طالما هو اتغير".
وأضاف شريف مدكور خلال لقائه ببرنامج "الستات مايعرفوش يكدبوا" الذي يذاع على قناةcbc: "إيه المشكلة لما الراجل ينشر لمراته الغسيل، الموضوع ده كان طالع تريند من قريب على مواقع التواصل الاجتماعي، وأنا عن نفسي بنشر لمراتي الغسيل فين المشكلة هنا مش فاهم، والمفروض النهاردة كل الأزواج يدخلوا النهاردة يطبخوا ويغسلوا دعما لليوم العالمي للزوجة، وعلى فكرة نشر الغسيل فيه فن، الحاجات اللي قدام بتبقى الحاجات الطويلة".
وقال "مدكور": "أنت ممكن تنشرى الغسيل بطريقة معينة متحتاجيش أنه يتكوى بعد كده، ودى طريقة مش أى حد يعرفها، تقدر تاخد اللبس بعد كده تلبسه على طول، ومينفعش أسمع حد يقول عيب الراجل ينشر الغسيل".
