قال الإعلامي محمد الباز، خلال برنامج آخر النهار، الذي يذاع على قناة النهار، إن أحد قيادات جماعة الإخوان ومدير قناة مكملين الإرهابية يدعى أحمد الشناف، وأن هذا الشخص سافر إلى تركيا قبل ثورة 30 يونيو، وأسس سلسلة شركات في أسنطبول وإمبراطورية اقتصادية، من بينها مصنع رخام وشركة للتصدير والاستيراد، وعدد من الشركات في الكويت والسعودية، وهو وأخوه "شريكه" حصلا على الجنسية التركية.
وأضاف "الباز": "سمية الجنايني كتبت بوست إمبارح بتقول إن في شخص معين أسرته بتتحرك بين مصر وتركيا، وإحنا أسرنا مهددة في تركيا، دورنا كويس، ودي ورقة السجل التجاري، ولاقينا أن في شهادة خارجة من الرقابة العامة للصادرات والواردات في مصر، وعنوانها في المعادي في طريق الأوتوستراد، وهتلاقي تكملة المعلومات الخاصة بالشركة، وبالمطابقة بين الأوراق الخاصة بالشركة، فإن لها فرع في مصر وفرع أخر في تركيا، وشقيق أحمد الشناف حصل على جنسية تركية مزورة، والراجل ده بيتحرك وبيشتغل وبيجي مصر تحت غطاء الجنسية التركية اللي حصل عليها".
وأضاف: "أحمد الشناف، أحد رجال الرجل الخفي، ويبدو أنه عظمة زرقا، ومحمد ناصر لما قال بشكل عفوي على أحمد الشناف أنه راجل طيب، تم إجباره على الاعتذار للشناف على الهواء، وده إن دل يدل على قوته في وسط الناس دي، إحنا محتاجين إجابة من مصر الحقيقة بخصوص استمرار مزاولة الناس دي لعملها في مصر في الوقت اللي بيحرضوا على قتل الناس في مصر، وأنا مستبعدش أن أخوه اللي رايح جاي على مصر يكون بينقل معلومات وشغال جاسوس".