كشفت الإعلامية مها الصغير عن تفاصيل حوارها مع والدها مصفف الشعر الشهير محمد الصغير،والذى رحل عن عالمنا منذ أيام متأثرا بإصابته بكورونا، لم يذاع من قبل، مشيرا إلى أنه سيذاع اليوم السبت على قناة CBC فى التاسعة مساء.
وكتبت مها الصغير: "أنا عملت الحوار ده مع أبويا محمد الصغير من سنتين وبعد ما عملناه اتكلمنا كلنا crew It's Showtime - CBC Egypt وقررنا نأجله أو بالأصح قلنا بلاش علشان الميديا والناس، مش هنسلم واللي هيقول كوسه واللي هيقول واسطة.. إلخ، مع إن الحوار رسمى وعن العمل والطموح وبناء الإنسان والإتقان ومعاني تانية كتيرة".
وتابعت مها الصغير: "الكلام كان كله عن الشباب وإزاي يحققوا أحلامهم..وبعد سنتين رحل محمد الصغير، وقال لى كلام مهم أوي علمني كذا حاجة إلا حاجة واحدة بس.. أعمل إيه من بعده، اتفرجوا عليه كلام من القلب وكلام مهم وملهم كعادته السبت علىCBCالتاسعة مساء يا رب يعجبكوا".
يشار إلى أن خبير التجميل محمد الصغير توفى منذ أسابيع بفيروس كورونا المستجد، حيث تدهورت حالته خلال الأيام الأخيرة، الأمر الذى دفع ابنته الإعلامية مها الصغير، لتكثيف الدعاء ونشر تدوينات متتالية فى الأسبوع الأخير قبل وفاته، عن تفاصيل من حياته.
