تستعرض برامج التوك شو، يوميا، فى مصر العديد من الموضوعات المهمة والرئيسية على المستويين المحلى والعالمي، ويوجد ضمن تلك الموضوعات عدد من اللقطات نستعرض أبرزها:
خالد الجندى لمن يستدل بالصين فى الزيادة السكانية: خليك صينى واركب عجلة 60 سنة
استنكر الشيخ خالد الجندى، عضو المجلس الأعلى للشئون الإسلامية، بعض من ينتقدون تنظيم الأسرة، ويرفضون هذا النظام، ولا يرون فى الزيادة السكانية أنها خطر تهدد مستقبل البلاد وتقضى على الأخضر واليابس، وتابع: "هذا السؤال لمن يستدلون بالصين.. تقدر حضرتك تنام 9 بالليل وتكون فى شغلك 6 صباحاً.. تقدر حضرتك تلبس لبس واحد على مدار عمرك 50 أو 60 سنة.. تقدر حضرتك تركب عجلة ومتركبش عربية وتتفشخر قدام زملائك وأنت رايح يومياً 50 أو 60 سنة".
وطالب "الجندى"، خلال برنامج "لعلهم يفقهون" المذاع عبر قناة "dmc"، من يستدلون بالصين فى معارضة تنظيم الأسرة أن يتحملوا الأحكام الصينية ويسيرون على قواعدهم، ويحرمون أنفسهم من الرفاهية التى يعيشون فيها،وتابع:"تقدر يتحكم عليك أنه ميكنش ليك لمدة 35 سنة إلا طفل واحد..هو ده يا حضرات اللى عملته الصين..لو بتستدل بالصين خليك واد صينى وجدع ".
وتابع "الجندى": "تقدر تتحمل أنك معندكش فرى نت تقدر تخش وتتفسح على النت..فى الصين مفيش حاجة أسمها تدخل على النت زى ما هو عاوز وبأى طريقة..مفيش فى الصين 82 ألف قناة فضائية تتفسح فيها..مفيش الشات اللى بتعملوه على النت..فيه أحكام..المرتشى بيأخد إعدام فى الصين..تقدر أنت تطبق عقوبة الإعدام على المرتشى اللى عندك..قبل ما تتكلم عن الصين أتكلم عن أحكام الصين".