علقت الفنانة لقاء الخميسى، زوجة محمد عبد المنصف، حارس مرمى الفريق الأول لكرة القدم بنادى وادى دجلة حاليًا والزمالك سابقًا،على تعرضه لموجات تنمر مؤخراً قائلة: "التنمر على "أوسة" موجود منذ 16 عاماً من يوم ما عرفته، ولم يكن وقتها متاحاً منصات للسوشيال ميديا بس كنا بنسمعه وقتها فى الملعب أو عبر رسائل نصية، لكن مع مرور الوقت وعندما ترك زوجي نادى الزمالك وبدأنا نشتغل فى حالة من الهدوء بعد انتهاء التوتر الذى كان يعيق الإنجاز، ومشيرة إلى أنه رجل صاحب تحدى لايفرق معه "العمر ولا الأقاويل" .
وتابعت فى مداخلة عبر تطبيق "زووم" خلال برنامج "كلمة أخيرة " الذى تقدمه الإعلامية لميس الحديدى على شاشة " ON" قائلة: "مع الوقت التنمر انتقل إلى منصات السوشيال ميديا فى كل حتة وعلانية وهو دلوقتي عنده أولاده وعنده عائلته، وهو راجل هادى بطبعه وأقوى من أنه يرد وكان دائماً يقول، أنا مش مهتم كبرى دماغك وأقفلى ودنك وأنا مش مضايق بس أنا الصراحة مش بقدر أسكت".
وواصلت: "فيه حاجتين بيهمونى، أنه لازم الناس تتقبل الأخر حتى لو مش بيحبوه، لانه مافيش داعى للخروج عن الحدود المسموحة، وإذا كنت أنت كمتنر كاره، فى ناس تانية بتحبه وبتجيبوا وبتدفع له فولس علشان يشتغل، وفى نفس الوقت لازم تحترموا عائلته والطابور إللي ماشي وراه ومشاعرهم. "
وأكملت لقاء الخميسى، فى تعليقها على سؤال لميس الحديدى حول أسباب تألق "أوسة" فى المباريات الأخيرة، قالت: "لما بقول الحقائق الناس بتزعل.. وأنا هضرب مثال على نفسى أنا لو ممثلة ومقتنعة بنفسى أنى شاطرة ودخلت اللوكيشن ولقيت الناس بتهينى مش هعرف أشتغل وممكن أنهار تحت الضغط لكن فيه ناس تانية زى منصف اتحط في ضغط هائل على مدار حياته وأنا كنت معاه وشايفة، وفعلا أوسة اتحمل اللى مافيش حد أو لاعب كرة اتحمله طوال هذه السنوات وهو نموذج مختلف وأنا لو كنت مكانه كنت قعدت فى بيتنا من زمان وماكملتش.
وأردفت: "أوسة" كان بيتعرض للشتايم في الملعب وكنت بسمعهم ومع ذلك كمل.. وأعتقد أنه لما راح وادى دجلة شهد حالة من الهدوء والاحترام من قبل الإدارة والمدربين الأجانب ولازم تشوفوا الفيديوهات اللى عاملينها المدربين ليه وأعطوه الثقة.