طالب الإعلامى عمرو أديب الجهات المختصة بأن يكون هناك أى ضمان غير السجن للمرأة المصرية أو الغارمات، قائلا: "حرام الناس تتبهدل.. الناس بتتسجن عشان يوم الفرح البنت تنبسط.. وعشان يوم الفرح يتعملها العفش والعربيات.. عوايدنا للأسف هنفضل مكملين فيها".
وأضاف أديب خلال برنامجه الحكاية المذاع على قناة أم بى سى مصر، : "فى يوم الأم يجب أن ننقذ الغارمات دول.. واليوم الرئيس تحدث عن قانون الأحوال الشخصية.. والرئيس السيسى اليوم بيتكلم عن 4 قضايا هامه للمرأة المصرية.. ويقف بجانب المرأة وينصر للمرأة حتى فى المواصلات ويضع ضوء كبير على هذه المسألة".
وفى سياق آخر قال أديب: "مفيش حد هيحبك أكتر من نفسه غير أمك.. كل الأمهات عظيمات.. المثالية على رأسي بس أي أم عظيمة.. الفلوس والنجاح وعيال يعاملوك كويس كل ده هيجي بسببها.. وياويله اللي مايرضيش أمه.. اللي أمه عايشة ربنا يخليهاله ويلحق يحققلها كل اللي نفسها فيه وياخد الشهادة بالأرباح.. أمك لما تتضايق منك تدعي ربنا ياخدها عشان ترتاح وماتدعيش عليك أبدا".