شن الموسيقار حلمى بكر هجوم على المطربة شاهيناز في احد البرامج التليفزيونية، حيث قال عنها "صوتها مش بيعجبنى وليس لها صوت وسقطت فى الإذاعة والتلفزيون والنقابة، الأمر الذى أغضب شاهيناز.
وعلقت المطربة شاهيناز على هذا الهجوم، حيث نشرت بوست عبر حسابها الشخصى الفيس بوك قائلة: صباح الخير أصدقائي ومتابعيني الأعزاء وكل الجمهور والناس بيحبوني، اللي من إمبارح رسايلهم واتصالاتهم لم تتوقف وبيطالبوني إني أخرج أرد على تعليقات الملحن حلمي بكر اللي صدرت منه عني وفي حقي أمس من عدة ساعات في أحد البرامج.
وتابعت شاهيناز قائلة: وكما لو كانوا بيطلبوه في البرامج علشان يطلع يتكلم ويهاجم الناس وأولهم أنا، أنا مقدره محبتكم وغيرتكم عليا جدا وانتوا بعد رب العالمين اللي لكم فضل في صناعة اسمي المتواضع واستمراريتي لحد النهاردة، لكن أنا عايزة أقولكم إيه الجديد ".
وأضافت: هو كل ما يطلع في برنامج بيتكلم عني وبيقول رأيه وبعض الإدعاءات اللي اتفاجأت بأخرها امبارح وهو بيقول كلام غريب مش هدخل في تفاصيله، أنا أحب أطمنكم وأقولكم إن كلامه ورأيه فعلا ميهمنيش، ويكفي إن الناس اللي متابعة عارفة الحقيقة، وعارفين إنه كان في لجنة تحكيم ستار ميكر وسمعني بدل المرة عشرة، وكان رأيه ساعتها مختلف.
واستكملت شاهيناز: عموما أنا بابص قدامي وبس، ودائما باخد الهجوم والنقد الهدام سلم بطلع بيه خطوة أعلى في شغلي وحياتي المهنية، شكرا لمحبتكم، شكرا لدعمكم، ورمضان كريم، صباح الخير.
وكان الموسيقار حلمي بكر خلال قد ظهر خلال أحد البرامج وهاجم المطربة شاهيناز، حيث قال عنها صوتها مش بيعجبنى وليس لها صوت وسقطت في الإذاعة والتلفزيون والنقابة.
