أكدت الفنانة لقاء الخميسى، أن ردود الأفعال على دورها في مسلسل "ضد الكسر" الذى تم عرضه في شهر رمضان الماضى، كانت كلها إيجابية مشيرة إلى أن السوشيال ميديا تفاعلت بشكل كبير مع شخصية "نادين" التى قدمتها فى العمل وقالت:"اتبهدلت في السوشيال ميديا السنة دى، الناس بتتعامل معايا على أن أنا الشخصية اللى قدمتها".
وأوضحت لقاء الخميسى خلال لقائها في برنامج "لايت شو" على قناة الحياة، "شفت كوميك كتير على فيس بوك من الناس بتقول أن عندنا صحاب وحشين وحقودين زيك، وأنا اتبهدلت، ودى حاجة لطيفة إن الناس مصدقاك في "نادين" وشايفينك أن أنت اللى شرير وأنت اللى خاين ودى حاجة تبسط يعنى".
وأشادت لقاء بالعمل مع نيللى كريم وقالت:" نيللى كان أول تعاون بينى وبينها وهيا شخصية لطيفة جداً وفى اللوكيشن بديعة ولا تتدخل وسايبة كل واحد يشوف شغله، هيا جاية تمثل ودى أحلى فيها"، كما تحدثت عن محمد فراج وقالت عنه:"احنا أصدقاء من سنين من زمان من عند خالد جلال، وهو على المستوى الانسانى شخص جميل وصديق عزيز وأخ وهو من الممثلين المهمين جدا واللى بيبلسوا الدور زى ما الناس بتقول والسنة دى مقدملنا شخصيات فريدة"
وتستعد لقاء الخميسى لاستئناف تصوير مسلسلها الجديد "إجازة مفتوحة" خلال الأسابيع القليلة المقبلة، وذلك بعد تصوير يوم من أحداث العمل في شهر فبراير الماضى قبل الانشغال بدراما رمضان، والعمل بطولة شريف منير، سميحة أيوب، ملك قورة، دنيا ماهر، مراد مكرم، نورهان كريم أبو زيد، هشام إسماعيل، هدى مجد وتأليف أحمد محمود أبو زيد وإخراج محمد عبد الرحمن حماقى.