رد الفنان لطفى لبيب، على شائعة اعتزاله التمثيل، قائلا: "لم تخرج مني كلمة اعتزال التمثيل، وكلمة اعتزال عمياء بالمعنى المطلق، ولكن صحتي مش زي الأول ولو جالى شغل على قد صحتي هشتغل".
أضاف الفنان لطفي لبيب، في مداخلة هاتفية لبرنامج "مساء dmc" الذى يذاع عبر قناة dmcقائلا: "كنت بشتغل 20 ساعة في اليوم، ولكن دلوقتي مش قادر أشتغل.. إنما أقدر اشتغل على قد طاقتي، والمخرج اللى يقولى تعالى ويستغل طاقتي البسيطة أوافق، ومفيش ممثل بيعتزل في الدنيا ولكن فيه إمكانيات صحية قادر أو غير قادر أو على قدى.. وأنا أذكر الفنان كمال الشناوي عمل مسلسل وهو على كرسي متحرك، فعادي إن حالتى الصحية مش زي الأول وعارفة إني أصبت بجلطة حددت إمكانياتي، فبشتغل لو جالى شغل على قدى".
وأكمل: "أنا بحب التمثيل إلى جانب إني بحب الناس وأنا بأعشق جمهوري، فصعب أنسحب بهذا الشكل"، فيما طمئن جمهوره على صحته قائلا: "أنا كويس وبعمل علاج طبيعي على قدمي، وبيحصل تحسن وكل حاجة ولكن أنا مش زي زمان".