نهال عنبر ناعية الفنان الراحل أحمد خليل: "كان برنس.. بيحترم نفسه والأخرين"

نعت الفنانة نهال عنبر، الفنان الراحل أحمد خليل، مؤكدة أنه عِشرة عُمر قديمة، ومن أفضل الشخصيات التي يمكن أن نقابلها. وقالت خلال مداخلة مع الإعلامي تامر أمين ببرنامج آخر النهار، الذي يذاع على قناة النهار: "في الأول مكنتش طايقاه، في أول موقف بينه وبينه، لأن كان متعصب من حاجة ومتضايق، هو مؤدب وبيبقى عصبي ولما بيبقى عصبي مبيتكلمش، وحد كان مضايقه من حاجة في التصوير، وجيت أعمل معاه بروفة، قال ثانية واحدة من فضلك بس بعصبية، وزعلت وقتها". وأضافت: "كنت أول مرة أمثل معاه، لاقيته جالي وقالي أنا أسف متزعليش مني أنا كان في حاجة مضايقاني، ومن ساعتها وإحنا أصدقاء، الشخص ده برنس، أولاً شياكة في التعامل، وبيحترم نفسه والأخرين، من أقل شخص لأكبر شخص، تواصلت معاه امبارح وطلبني في التلفون، والمعلومة اللي عندي إنه لم يمت بكورونا، وإن الأزمة كانت في القلب، هو كان تعبان بس كان بيتكلم، وقالي إنه عامل مستشفى جوة البيت". وتابعت: "إمبارح كلمته مردش، وابعتله رسائل مبيردش، وتعب بشكل مفاجئ، علشان كدة فهمت أنها كانت أزمة في القلب، وسمعت إنه كان في وصية إنه مكنش عاوز عزاء".